Mirlind Daku nuk do të jetë i gatshëm për Shqipërinë në Poloni.

28-vjeçari po vuan dëmtimin te Rubin Kazan, për këtë i duhet të qëndrojë edhe rreth një muaj jashtë fushës së blertë.

Ky lajm është më i keqi i mundshëm, duke pasur parasysh që edhe Rey Manaj mungon. Dëmtimet janë serioze, për këtë nuk mund të japin kontributin e tyre.

Kombëtarja e Shqipërisë po përballet me një situatë të vështirë sa i përket dëmtimeve, ndërsa në prag është ndeshja me Poloninë.

Qendra e sulmit po tradhton kuqezinjtë, ndërsa trajneri Silvinjo duhet të mendojë për zgjedhjet e duhura.

Armando Broja, Myrto Uzuni, Indrit Tuci dhe Taulant Seferi për momentin shfaqen si alternativa, që të kontribuojnë në qendër të sulmit. Seferi do e kishte një rikthim te Kombëtarja sepse ftesa për të mungoi në vitin 2025.