Prishtina dhe Ferizaj kanë luajtur baras me rezultat 0-0 në ndeshjen e xhiros së 30-të në elitën e futbollit kosovar.

Rastin e parë në ndeshje e pati Ferizaj, pas një gjuajtje të lirë por nuk pati rrezik për kryeqytetasit, shkruan Arbresh.info.

Tetë minuta më vonë Islami goditi nga largësia por gjuajtja nuk shkoi në kuadratin e portës.

Prishtina nga minuta e 27-të luajti me një lojtar më pak pasi Philippe Boueyes u ndëshkua me karton të kuq.

Ferizaj u mundua të gjej golin e fitores me anë të Albion Kurtaj por goditja e tij përfundoi në shtyllë.

Rast të mirë pati edhe Sadriu por Kolaj ishte në vend.

Ndërkohë, Prishtina rrezikoi me Albin Krasniqin por Jovanovski priti pa problem gjuajtjen e tij.

Deri në fund një rast ideal për Ferizajn e pati Abdul, por nuk arriti të godasë topin si duhet para portës prishtinase.

Kështu dy skuadrat marrin nga një pikë. Prishtina është e pesta 39 pikë kurse Ferizaj është i katërti me tri më shumë./Arbresh.info