Grupi opozitar kundër kryetarit të FFK-së, Arianit Ahmeti thuhet se e kanë organizuar një takim sonte me qëllim të shqyrtimit të mbajtjes se një kuvendi të jashtëzakonshëm zgjedhor për shkarkim e kryetarit Agim Ademi

Në këtë takim besohet se janë ftuar të gjithë prijësit e Superligës të Kosovës.

Siç dihet, Tahir Batatina që një kohë të gjatë është opozitë e Agim Ademit dhe ai ka befasuar me një deklaratë të tij që e ka shkruar në profilin e tij në Facebook.

Sipas tij, ndryshimi në futbollin kosovar do të ndodh, ndonëse besohet se Agim Ademi ka përkrahje të qëndryeshme për ta vazhduar mandatin e kryetarit deri më 2022.

Ky është postimi i plotë i Batatinës:

Po vinë ditë të mira për futbollin e Kosovës, gjithnjë duke i respektuar ata që dhanë për futbollin, ata që sakrifikuan, ata që e mbajtën gjallë me vite dhe të gjithë ata që djersitën fanellat e klubeve tona.

Atyre ju takon epoka e historisë, ndërsa tash duhet të mendojmë për profesionalizmin dhe rregullat e mirëfillta ku djersa e donatorëve të vlerësohet lartë, mjetet e tyre të mbrohen me dinjitet në ngritjen dhe avancimin e futbollit por edhe Superligën e Kosovës në nivele jo vetëm më të larta dhe të përafërta me shtetet e rajonit por edhe më lartë.

Pasi e dimë se rinia jonë janë të zymtë nga persona të prishur, të korruptuar por edhe të harxhuar, duhet një frymë e re dhe produktive për avancimin dhe ngritjen e futbollit kosovar. T.B