Nuk u kualifikua në gjysmëfinale, Kovaç krenar me ekipin e tij pas sfidës me Barçën

16:40 | 16 Prill 2025
D.H

Dortmundi mbrëmë shënoi një fitore me rezultat 3-1 në ndeshjen e dytë çerekfinale të Ligës së Kampionëve ndaj Barcelonës.

Mirëpo kjo nuk ishte e mjaftueshme për të arritur në gjysmëfinale, pas humbjes së parë që mori Dortmundi me rezultat 4-0, shkruan Arbresh.info.

Por lojtarët dhanë maksimumin e tyre dhe bën një lojë të shkëlqyer ndaj një Barcelone të “dërrmuar” nga ndeshjet e shumëta.

Krenar me ekipin e tij ishte edhe trajneri Niko Kovaç i cili foli pas ndeshjes. Ai theksoi se humbja në ndeshjen e parë ishte fatale.

“Jam krenar për ekipin. Lojtarët kanë dhënë gjithçka. Me pak kujdes mund të kishte ndodhur diçka e madhe. Na vjen vërtet keq për ndeshjen e parë në Barcelonë. Mendoj se kualifikimi u vendos atje. Ne treguam se mund të mposhtim këdo”, tha Niko Kovaç.

Barcelona në gjysmëfinale do të luaj me fituesin e takimit Inter – Bayern, ku rezultati nga ndeshja e parë në këtë sfidë është 2-1 në të mirë të “Nerazzurrëve”./Arbresh.info