Ceremonia e prezantimit të çmimeve prestigjioze “Laureus” u mbajt mbrëmjen e së hënës në “Palacio de Cibeles” në Madrid. Çmimin “Sportisti i Vitit” e fitoi serbi Novak Djokovic, i cili ishte i pranishëm në kryeqytetin spanjoll jo për të luajtur Masters-in 1000, por për të marrë këtë vlerësim.

Djokoviç, protagonist i një viti të mrekullueshëm që lamë pas, me 3 fitore në Slams, një finale Wimbledon dhe titulli “ATP”, arriti suksesin ndaj kampionëve të tjerë të mëdhenj të sportit, si piloti i Formula 1 Max Verstappen, futbollistët Erling Haaland dhe Lionel Messi, kampionët e kërcimit me shkop, Armand Duplantis dhe Noah Lyles, atleti më i shpejtë në planet.

Nuk është hera e parë që Novak është protagonist. Çmimi i së dielës është i pesti pas atyre të viteve 2012, 2015, 2016 dhe 2019. Çmimi iu dorëzua atij nga legjenda e futbollit amerikan Tom Brady, një tjetër sportist i jashtëzakonshëm dhe që ka një miqësi të hershme me Djokovic.

Mesfushori i Real Madrid, Jude Bellingham ishte fituesi i çmimit “zbulimi i vitit”, teksa futbollisti i “Los Blancos” po tregon se është një nga më të rëndësishmit në skuadër. Bellingham ishte shumë i lumtur për vlerësimin, ku iu dhurua nga tenisti spanjoll Carlos Alcaraz. Anglezi është në vitin e parë të kontratës më Realin, ku u transferua nga gjermanët e Borussia Dortmund.

Madje, disa parashikime theksojnë se nëse sezoni i Bellingham mbyllet me La Liga dhe Champions League, atëherë lojtari është kandidati kryesor për çmimin më të rëndësishëm për një futbollist, atë të topit të artë./Ss