Napoli ka përforcuar kreun në Serie A në ndeshjen e mbrëmjes së sotme (e premte) kundër Crotones.

Gjiganti italian ka siguruar tri pikë të plota në takimin si mysafirë në Ezio Scida në kuadër të xhiros së 19-të në Serie A me një fitore minimale me rezultat 0 me 1, transmeton portali arbresh.info.

Mesfushori Marek Hamsik ishte autori i golit vendimtar në këtë takim për skuadrën e trajnerit Maurizio Sarri. Reprezentuesi sllovak është vlerësuar me notën më të lartë të ndeshjes 8.4.

https://twitter.com/en_sscnapoli/status/946859888084439040

Me notë të ngjashme është vlerësuar edhe anësori Allan, i cili ishte asistues i golit nga Hamsik në minutën e 17′ të pjesës së parë.

Mbrojtësi shqiptar Elseid Hysaj është vlerësuar me notën 6.8 për paraqitjen e sotme kundër skuadrës së Arlind Ajetit, i cili mungoi për shkak të suspendimit.

Lojtari me notën më të dobët është mbrojtësi i Crotones, Stefan Simic (6.1)./arbresh.info/