Ruud Van Nistelrooy mbrëmë regjistroi fitoren e parë nën drejtimin e Manchester Unitedit, duke e mposhtu Leicesterin me rezultat 5-2 në kuadër të Carabao Cup.

Nisterlooy e udhëhoqi ekipën pasi Erik ten Hag u shkarkua nga posti i trajnerit disa ditë më parë, shkruan Arbresh.info.

Teksa pas ndeshjes, ai tha se ka biseduar me Ten Hagun para ndeshjes.

“Kam folur me Erik ten Hag para ndeshjes. Në bisedën e parë që bëmë që unë të kthehesha në klub, me të vërtetë ndjeva se ai e donte dhe donte ta çonte këtë klub përpara. Ishte dhimbje që ai duhej të largohej, por edhe krenar për arritjet”, tha ai.

Tutje ai ka folur për të ardhmen e tij në klub.

“Jam i motivuar të qëndroj në Man United. Do të rikthehem te kontrata ime e asistentit që kam këtu për këtë sezon dhe në vijim. Kam ardhur si asistent për të ndihmuar klubin përpara dhe jam ende i motivuar ta bëj këtë në çdo kapacitet”, shtoi tutje holandezi.

Manchester United në fundjavë luan ndeshjen e radhës ndaj Chelseat./Arbresh.info