Kupa e Botës 2022 do të zhvillohet në Katar në muajt e dimrit dhe jo në ato të zakonshmet e verës, për shkak të vapës së madhe që mbizotëron në këtë shtet.

Ky eveniment nis të hënën më 21 nëntor në stadiumin Al Bayt në Al Khor me një ndeshje ku do të luajë vendi mikpritës, përcjell GazetaBlic Sport.

Finalja do të luhet në stadiumin Lusail në Doha të dielën më 18 dhjetor.

Shorti për Kupën e Botës do të hidhet të premten (nesër) më 1 prill 2022, në Doha, Katar rreth orës 16:00.Cili është formati i shortit? 32 kombet e përfshira në Kupën e Botës 2022 do të ndahen në tetë grupe me nga katër kombëtare.

Vendi mikpritës Katari do të jetë në pozitën e parë të Grupit A.

Kombet e tjera do të ndahen në katër vazo bazuar në renditjen e FIFA-s me skuadrat e vlerësuara më të mira që do t’i bashkohen Katarit në vazon e parë.