Nëse i kalon letonezët, Drita mund të përballet me gjigantë evropian të futbollit

17:34 | 3 Gusht 2024
A B

Gjilanasit konsiderohen favoritë ndaj këtij kundërshtari, megjithatë në PlayOff mund të përballen me kalibër krejtësisht tjetër, pasi nga faza finale e eliminatoreve, në zonën ku mund të jetë Drita, do të hyjnë edhe Chelsea, Fiorentina, Real Betis, Lens e Heidenheim, raporton klankosova.tv.

Të hënën më 5 gusht do të hidhet shorti ku edhe përfundimisht do të kuptohen rivalët e mundshëm për “Intelektualët”.

Drita ka ditur të përballet edhe me skuadra te niveleve të larta, pasi në të kaluarën është ndeshur me gjigantin holandez, Feyenoord, atë polak, Legia e Varshavës, Malmon suedeze e Plzenin e Çekisë.

Megjithatë tre herë kampionët e Kosovës për momentin të gjithë koncentrimin e kanë tek dy ballafaqimet me letonezët e Audas, para se të mendojnë për më tutje.