Ndihmësi i Gerrard: Grezda gati të jetë titullar, po punon shumë

07:19 | 3 Nëntor 2018
Arbresh.info

Në Skoci kanë besim të madh tek Eros Grezda, që edhe pse ende nuk ka treguar shumë në fushën e lojës, pritshmëritë janë të larta.

Nëse tifozët nuk kanë durim për të parë aftësitë e sulmuesit të krahut në fushën e lojës, stafi drejtues i Rangers beson se shqiptari do të shkëlqej shumë shpejtë.

Të paktën kështu ka lënë të kuptohet zëvendës trajneri i Rangers, Gary MacAllister, i cili ka folur në konferencën e zakonshme për shtyp një ditët para ndeshjes. Në mungesë të Steven Gerrard, ka qenë ndihmësi i tij, ai që ka shpjeguar për gazetarët se, Eros Grezda, është duke bërë paraqitje shumë të mira në fushën stërvitore.

“Grezda është afër tani, po punon shumë në fushën stërvitore. Kjo do të thotë që është lojtari që kishim parë në klipet e tij. Ai pati një presion të madh para 50.000 spektatorëve, duhet pak kohë për t`u përshtatur”-ka thënë MacAllister.