Jose Mourinho ka folur për situatën e Tottenham Hotspur.

Trajneri i Tottenham Hotspur, Mourinho, u ka bërë të ditur lojtarëve se kanë nevojë për vetëm gjashtë pikë më shumë që të jenë në futbollin evropian sezonin tjetër.

‘Special One’ u ka thënë lojtarëve se mund ta dominojnë Ligën e Evropës sezonin tjetër, por për ta bërë këtë ata duhet të jenë aty.

“Në një mënyrë qesharake unë u them lojtarëve se dy fitore të tjera do të na sjellin Ligën e Evropës”, ka thënë Mourinho, transmeton lajmi.net.

“E di se nuk është ashtu, kompeticioni është i gjatë me skuadra të mira. Ka skuadra që vijnë nga Liga e Kampionëve, gjë që i bën gjërat e vështira, por këtë e them për t’i motivuar djemtë”, ka shtuar portugezi.

Mbetet të shihet nëse Tottenham Hotspur do të arrijnë të prejnë biletën për një vend në garat evropiane.