Cristiano Ronaldo ishte në garë me Gianluigi Buffonin dhe Lionel Messin për çmimin UEFA Lojtari i Vitit 2016/17.

Por, pasi fitoi La Ligën dhe Ligën e Kampionëve me Real Madridin, duke shënuar 42 gola brenda 46 ndeshjeve, shanset e tij ishin dukshëm më të mëdha, transmeton portali arbresh.info. Përveç titullit si UEFA Lojtari i Vitit, superylli portugez fitoi gjithashtu çmimin Sulmuesi i Vitit në UEFA Ligë të Kampionëve, çmime padyshim të merituara.

Ronaldo tani pritet të shtojë një tjetër Top të Artë në koleksionin e tij nga fundi i vitit.

Nëse arrihet kjo shifër, atëherë Ronaldo do të barazojë për nga numri i topave të artë (5) Messin që do të ishte një arritje e jashtëzakonshme duke marrë parasysh që sulmuesi i Barcelonës udhëhoqi 4 me 1 në vitin 2012.

Pasi mori çmimin e fundit individual, Ronaldo shtrëngoi duart me Buffonin dhe Messin, të cilët vepruan me mirësjellje në këtë disfatë.

Shikoni momentin këtu:

https://twitter.com/1alexcam/status/900768855844413440

Pas kësaj, njëra nga prezantueset zhvilloi një intervistë me Ronaldon.

Ai është pyetur se cila nga golat e tij në Ligë të Kampionëve ishte e perferuara e tij dhe sulmuesi u përgjigj duke u tallur me Buffonin.

“Ishte e fundit kundër këtij njeriu të vjetër [duke iu drejtuar Buffonit]”, u përgjigj ai.

Fatmirësisht për Ronaldon, Buffoni mori anën pozitive të kësaj dhe vetëm qeshi me këtë./arbresh.info/

Shikoni këtë moment:

https://twitter.com/BestofFootball8/status/900773525040099332