Miliarderi rus Alisher Usmanov raportohet se ka shtruar një ofertë prej 1 miliard funta për të blerë të gjitha aksionet e rivalit të tij aksionar Stan Kroenke në Arsenal.

Usmanov posedon 30 për qind të aksioneve të klubit, por tani raportohet se ka shtruar një ofertë prej 1 miliardë funta te amerikani Kroenke, i cili ka 67 për qind të aksioneve në Arsenal, transmeton portali arbresh.info.

Lexo edhe: Pasimet e Granit Xhakës, tifozët e kanë vërejtur një gjë në ndeshjen e tij të fundit (VIDEO)

Sipas një raporti nga ‘Financial Times’, Kroenke ende nuk i është përgjigjur formalisht ofertës.

Mësohet që Kroenke nuk ka refuzuar fillimisht ofertën, e cila është shtruar muajin e kaluar, por që nga atëherë ka lënë indikacione se nuk është i interesuar për të shitur klubin.

Të dy biznesmenët janë përplasur në të kaluarën rreth drejtimit të klubit, pasi aksionari rus ka qenë i shqetësuar me mungesën e investimeve të Kroenkes./arbresh.info