Sky Italia raporton se Milani është në negociata të avancuara për mesfushorin e Chelseat, Tiemoue Bakayoko.

Rossonerët po kërkojnë të përforcohen në mesfushë këtë verë, por drejtori i përgjithshëm, Leonardo, e pranon që nuk mund të blihen lojtarë të shtrenjtë.

I fundit që u përfol ishte Sergej Milinkovic-Savic, që çmimi i tij mbetet i paarritshëm.

Tani edhe Sky raporton se bisedimet janë të avancuara për Bakayokon, për huazim me opsionin për të blerë në fund.

23-vjeçari u bashkua me Blutë verën e kaluar për 45 milionë euro nga Monaco, por nuk ka arritur të bëjë përshtypje në sezonin e tij të parë.

Stili i tij nuk ka gjasa që t’i përshtatet stilit të lojës së Maurizio Sarri që tashmë është trajner.

Por në anën tjetër ai duket ideal për trajnerin e Milanit, Gennaro Gattuso.