Milani ka arritur të kualifikohet në gjysmëfinale të Kupës së Italisë pasi në çerekfinale mposhti Romën me rezultat 3-1 në “San Siro”.

Tammy Abraham ka shënuar golin e parë në minutën e 16-të, pas një asistimi nga Theo Hernandez, shkruan Arbresh.info.

Kombinimi i njëjtë Abaraham-Theo e solli edhe golin e dytë tre minuta para mbarimit të pjesës së parë.

Roma u rikthye në lojë me një gol të ukrainasit, Artem Dovbyk që shënoi në minutën e 54-të.

Mirëpo kjo ishte gjithçka cfarë bën romakët, pasi Milani riktheu sërish epërsinë prej dy golave më anë të debutuesit Joao Felix.

Portugezi shënoi në ndeshjen e tij të parë me Milanin në minutën e 72-të për t’i dhënë vulë fitores së Rosonerëve dhe kualifikimit në gjysmëfinale të Kupës.

Lazio ose Inter do të jenë kundërshtarët e kuqezinjve në gjysmëfinale./Arbresh.info