Tashmë e ka konfirmuar edhe Josep Maria Bartomeu, Messi mund të largohet kur të dojë nga Barcelona pas sezonit 2019/20.

32-vjeçari, Lionel Messi, pesë-herë fituesi i “Topit të Artë” e ka drejtën të largohet nga Barcelonën kur të dojë pas përfundimit të sezonit aktual.

Kontrata e tij aktuale është e vlefshme deri në vitin 2021 dhe numri një i klubit, Josep Maria Bartomeu ka konfirmuar klauzolën që lojtari të largohet një vit para fundit të kontratës.

“Leo Messi ka kontratë deri më 2021, por është i lirë të largohet para sezonit final”, u shpreh Bartomeu.

“Para se të nisë sezonin e fundit (pasi kontrata i skadon më 2021), Messi mund të shkojë ku të dojë. Nuk kemi pse të shqetësohemi sepse është situatë si Xavi apo Iniesta, të cilët gjithashtu e kishin këtë klauzolë. Ai ka fituar të drejtën për të vendosur. Shpresojmë të qëndrojë sa më gjatë. Si president jam shumë i qetë”, tha ndër të tjera Bartomeu.