Ernesto Valverde udhëhoqi seancën stërvitore të Barcelonës mëngjesin e së enjtes, ku u rikthyen më shpejtë seç pritej Lionel Messi dhe Javier Mascherano.

Të dy futbollistët argjentinas kishin edhe nga një ditë në dispozicion për tu çlodhur nga udhëtimi i tyre i gjatë, por zgjodhën për t’iu bashkuar bashkëlojtarëve të tyre në Ciutat Esportiva, transmeton portali arbresh.info.

Gerard Pique, Jordi Alba, Gerard Deulofeu, Sergio Busquets dhe Andres Iniesta ishin rikthyer por dy lojtarët e tjerë si Luis Suarez dhe Paulinho, të cilit kanë bërë gjithashtu fluturime përtejoqeanit, do t’i bashkohen grupit të premten.

Messi, Mascherano dhe grupi i futbollistëve spanjoll janë stërvitur për herë të parë me talentin Ousmane Dembele, i cili do të jetë në dispozicion për Valverden për derbin e së shtunës kundër Espanyolit.

Francezi mund të jetë madje pjesë e formacionit startues pasi nuk ishte në detyrë me kombëtaren e tij./arbresh.info/