Lionel Messi bllokoi Sergi Roberton nga transferimi te Liverpooli si pjesë e marrëveshjes për nënshkrimin me Philippe Coutinhon.

Braziliani u transferua në Camp Nou nga “Redsat” për një tarifë prej 160 milionë euro, transmeton portali arbresh.info. Trajneri Jurgen Klopp dëshironte të shiste yllin e tyre gjatë verës së ardhshme.

Megjithatë, gjiganti në Anfield u dorëzua para presionit të madh nga Barcelona dhe Philippe Coutinho. Gazeta spanjolle ‘Diario Gol’ thotë se si pjesë e marrëveshjes për shkëmbim ishte përfshirë edhe Roberto.

Por Lionel Messi, i cili është një figurë me ndikim të madh prapa skenave te Barcelona, është një admirues i madh i Robertos dhe nuk lejoi largimin e tij nga skuadra.

Thuhet se një numër i madh klubesh në Premierë Ligë janë ende duke kërkuar shërbimet e tij.

Lionel Messi i ka thënë zyrtarëve të Barcelonës se nuk duhet të shitet nga skuadra. Ylli argjentinas raportohet madje se ka kërkuar që t’i rritet paga bashkëlojtarit të tij.

Roberto duket të jetë i lumtur në Kataloni pavarësisht interesimit të shfaqur nga klubet e tjera 25-vjeçari vlersohet lartë nga klubi duke marrë parasysh aftësitë e tij impresive./arbresh.info/