Juan Mata ka bërë thirrje për donacione globale për të ndihmuar popullin e Ukrainës së goditur nga lufta.

Një apel i ri “Football 4 Ukraine” është nisur nga UNHCR, Agjencia e OKB-së për Refugjatët dhe Programi Botëror i Ushqimit për të ndihmuar ata që janë zhvendosur nga pushtimi rus në vazhdim.

Vlerësohet se rreth katër milionë refugjatë janë larguar nga Ukraina dhe janë arratisur në vendet fqinje që kur trupat e Vladimir Putin filluan të sulmojnë më shumë se një muaj më parë.

Mata është një nga gjashtë futbollistët e përfshirë në apel dhe ylli i Manchester United deklaroi: “Është zemërthyese të shohësh miliona njerëz që ikin nga shtëpitë e tyre në Ukrainë”.

Sensacioni i Bayern Munichut, Alphonso Davies dhe portieri i Evertonit, Asmir Begovic – të cilët janë gjithashtu pjesë e fushatës – janë të vetëdijshëm për rreziqet dhe ankthet që përjetojnë ukrainasit.

Davies lindi në një kamp refugjatësh në Gana pasi familja e tij u largua nga Lufta e Dytë Civile Liberiane.

Anësori kaloi pesë vitet e para të jetës së tij atje përpara se familja e tij të vendosej në Kanada.

Dhe Begovic u detyrua të largohej nga shtëpia e tij në Bosnje dhe Hercegovinë në fillim të viteve 1990 në Gjermani kur ishte katër vjeç.

Lojtarët po u bëjnë thirrje tifozëve – kudo që janë dhe çfarëdo klubi që ata mbështesin – të qëndrojnë së bashku si një ekip dhe të mbështesin njerëzit e dëbuar nga shtëpitë e tyre nga lufta, përmes dhurimit në donacion. /Telegrafi/