Gjermania po kalon nëpër një moment të keq sa i përket pandemisë COVID-19.

Numrat e të infektuarve me virusin janë rritur ndjeshëm kohëve të fundit dhe shteti ka marrë masa të reja, masa që kanë prekur edhe futbollin.

Qeveria gjermane ka vendosur që në stadiumet e futbollit mos të ketë më shumë se 15 mijë tifozë.

Kjo ka prekur jashtëzakonisht shumë klubet e mëdha që kanë stadiume më të mëdha se sa 30 mijë tifozë.

Borussia Dortmund është njëra nga skuadrat që stadiumi i tyre thuajse gjithmonë është i stërmbushur dhe kishin shitur më shumë se 50 mijë bileta për ndeshjen derbi ndaj Bayern Munich.

Por me tu futur në fuqi masat e reja, Dortmund është detyruar që t’ia rikthejë paratë tifozëve që kanë blerë biletat më vonë.

Kësisoj në derbin e madh të Bundesligas, në Signal Iduna Park do të jenë vetëm 15 mijë tifozë.

Këto masa pritet të jenë në fuqi së paku deri në fund të këtij viti.