Debati i pafund këtë vit është se ku do të përfundoj Neymar, pasi është përfolur shumë se braziliani nuk do të kthehet tek Paris Saint-Germain kur rikuperohet nga lëndimi.

Real Madrid dhe Barcelona janë të interesuar të sigurojnë shërbimet e brazilianit mirëpo dihet se për ta transferuar Neymar duhen së paku 250 milionë euro, ndërkaq që kalimi i tij tek njëra nga këto dy ekipe duket jashtë realitetit, përcjell insporti. Në këtë oqean të thashethëmeve, është futur Manchester United të cilët duket se duan me çdo kusht ta kenë Neymarin në radhët e tyre.

Mourinho duket të jetë i vendosur për ta transferuar Neymar, dhe në Manchester United, sipas Daily Mirror, po bëhen gati 400 milionë euro.

Nëse arrihet kjo marrëveshje atëhere do të nënkuptoj se pothuajse është dyfishuar shuma e cila e transferoj Neymar nga Barcelona në PSG.

Nëse Manchester United ofron 400 milionë euro për Neymar, atëherë vështirë se PSG do ta refuzoj një ofertë të tillë.

PSG me 400 milionë mund ta ndërtoj një skuadër nga fillimi nëse arrihet marrëveshje për Neymar me Manchester United.