Manchester United vazhdon të jetë i interesuar për transferimin e superyllit të Real Madridit, Gareth Bale.

Bale në këtë sezon nuk është duke kaluar në formë të mirë me ekipin madrilen, për shkak të lëndimeve.

Ky problem me lëndimet e reprezentuesit uellsian kanë ndikuar direkt në formën e ‘los blancos’ në këtë sezon.

Megjithatë, Bale ka arritur të këndëllet nga lëndimet e tij, dhe shkëlqeu në Kupën e Botës për Klube, të cilën Reali e fitoi.

Sipas gazetës spanjolle “Diario Gol” Manchester United vazhdon të mbetet i interesuar për ish lojtarin e Tottenhamit dhe Southamptonit, transmeton arbresh.info.

Interesimi i djajve të kuq për 29 vjeçarin është i dokumentuar.

Gjiganti anglez ka tentuar dy herë të nënshkruajë me Bale gjatë viteve të fundit, sa ishin trajnerë Sir Alex Ferguson dhe David Moyes.

Besohet se Jose Mourinho i ka kërkuar Realit që ta njoftojë Bale se United është i gatshëm të nënshkruajë me të.

Në muajin gusht të këtij viti, Bale kishte lavdëruar punën e Mourinhon në gjigantin anglez. /arbresh.info/