Manchester City ka kaluar në raundin tjetër të FA Cup pasi ka fituar lehtësisht ndaj skuadrës së ligës së tretë angleze, Swindon Town me rezultat 4-1.

Goli i parë erdhi në minutën e 14-të nga Bernardo Silva, për t’u pasuar pastaj edhe nga goli i Gabriel Jesus në minutën e 28-të.

Me rezultatin 2-0 përfundoi edhe pjesa e parë e këtij takimi.

Në pjesën e dytë u shënuan edhe tre gola tjerë.

Iilkay Gundogan shënoi golin e parë personal në ndeshje dhe të tretin për “Citizens” në këtë takim në minutën e 59-të të ndeshjes.

Në minutën e 62-të, Gabriel Jesus kishte mundësin të shënonte edhe golin e katërt të ndeshjes, por nuk u tregua i saktë nga penalltia, pasi goditja e tij u prit nga portieri Lewis Ward.

Gol i papritur erdhi nga vendasit, kur Harry McKirdy shënoi në minutën e 78-të për të ngushtuar epërsinë e mysafirëve në 3-1.

Ndërsa, për rezultatin përfundimtar të ndeshjes u përkujdes Cole Palmer i cili realizoi për 4-1 në minutën e 82-të të ndeshjes.

Me këtë fitore, Manchester City tani vazhdon në raundin tjetër të FA Cup./Arbresh.info