Manchester Unitedi është duke e vëzhguar mbrojtësin e djathtë të Milanit, Davide Calabrian, të cilin e sheh si zëvendësues të mundshëm të Antonio Valencias.
Por, Unitedi do të përballët me konkurrencë nga Evertoni për shërbimet e italianit, të cilin synon ta transferojë në verë.

Sipas gazetës Sunday Mirror, 22-vjeçari – i cili është prodhim i kuqezinjve – shihet si zëvendësues ideal i Antonio Valencias, që do të largohet nga “Old Trafford” në fund të këtij sezoni.

Evertoni është lidhur tashmë me Calabrian gjatë javëve të fundit, prandaj mund të kemi një luftë ofertash për italianin në Angli këtë verë.

Calabria ka kontratë me Milanin deri në verën e vitit 2022 dhe i ka bërë 27 paraqitje deri tani këtë sezon, duke dhënë kontributin e tij me një gol dhe një asist.