Talenti shqiptar në CS2, Drin “makazze” Shaqiri disa javë më parë është bërë zyrtarisht lojtar i Natus Vincere, organizatës ukrainase, ndër më të mëdhat në botën e lojërave elektronike.

Ai ishte në akademinë e NAVI Junior, dhe pas arritjeve fenomenale kaloi në ekipën e parë, shkruan Arbresh.info.

Deri më sot ishte në pikëpyetje se në vendin e kujt do të luaj 18-vjeçari shqiptar. Teksa gjatë ditës së sotme është konfirmuar se lojtari lituanez, Justinas “jL” Lekavicius është larguar nga NAVI, dhe gjithashtu nuk do të jetë aktiv në botën e CS2.

Ndërkohë “makazze” pritet të debutojë me NAVI-n, në fund të muajit korrik në turneun “IEM Cologne” i cili mbahet në Koln të Gjermanisë, dhe është një nga turnet më të rëndësishëm në CS2.

Kujtojmë se NAVI është një ndër ekipet më të trofeshme në historinë e CS duke perfshirë edhe CS Go. Gjithashtu në këtë skuadër ka luajtur edhe një prej më të mirë të historisë Oleksandr “s1mple” Kostyliev./Arbresh.info