Liria ka arritur të shënoj fitore të vështirë ndaj Besës së Pejës me rezultat 3-1 në udhëtim, në kuadër të xhiros së 14-të në Ligën e Parë.

Pas fitores, njëri prej futbollistëve kryesor të Lirsië, Liridon Fetahaj ka reaguar përmes një postimi në rrjetin social Facebook, ku e ka bërë një dedikim special për këtë fitore, shkruan Arbresh.info.

Ai fitoren ia dedikoi Arpagjik’ve dhe tifozit Arber Marashi i cili është arrestuar nga autoritetet malazeze pas një incidenti të enjten mbrëma.

‘Gjik’t’ kanë fshirë një grafit të tifozëve ‘Delije’ të Crvena Zvezdes, dhe mbi të kanë shkruar simbolet e tyre, vitin e Lidhjes së Prizrenit si dhe UÇK.

Për këtë ata kanë hasur në problem me policinë malazeze, ku pas disa orëve autobusi i tyre është liruar dhe me përcjellje të autoriteteve ka vazhduar rrugën drejt Kosovës, pasi po ktheheshin nga udhëtimi në Itali, ku ishin në përkrahje të KB Bashkimit.