Uruguai, Argjentina dhe Kolumbia janë kualifikuar në Kampionatin Botëror të vitit të ardhshëm pas xhiros së fundit të ndeshjeve në Amerikën Jugore ku Peru siguroi një vend në play-off kundër Zelandës së re ndërsa Kili u eliminua plotësisht.

Brazil ishte me fat mjaftueshëm duke iu shmangur shumicës së dramës, pas kualifikimit si fitues i grupit, por kishte ende kohë për të mësuar se kush do t’iu bashkohet atyre në Rusi vitin e ardhshëm, transmeton portali arbresh.info.

Argjentina, finaliste tri vite më parë por jashtë katër pozitave kualifikues para ndeshjes kundër Ekuadorit, pranoi një gol në minutën e parë por një hat-trick nga Lionel Messi i siguroi skuadrës së tij kualifikimin automatik.

“Fatmirësisht, ne reaguam me shpejtësi pasi shënoi Ekuadori”, tha Messi pas festës në Quito që erdhi si pasojë e fitores 3 me 1 të Argjentinës. “Falë Zotit, ne përmbushëm qëllimin tonë”

Uruguai gjithashtu ishte në disavantazh ndaj Bolivias pas një autogoli nga Gaston Silva në minutën e 24′, por ata përmbysën rezultatin me dy gola gjatë dy pjesëve duke përfunduar në pozitën e dytë të grupit prej 10 skuadrave prapa fituesit të pesëfishtë të Kampionatit Botëror, Brazilit.

Peru, e pamposhtur në gjashtë ndeshjet e fundit në kuadër të kualifikimeve nën udhëheqjen e trajnerit argjentinas Ricardo Gareca, dështoi për të siguruar kualifikimin automatik por do të jetë në play-off kundër Zelandës së Re.

Brazili kishte siguruar kualifikimin më parë para ndeshjes kundër Kilit në Sao Paulo, por fitorja në shtëpi me rezultat 3 me 0 bëri që vizitorët të humbin pozitë duke dështuar madje kualifikimin në play-off./arbresh.info/