Lideri i huliganëve të Partizan Belgrades është qëlluar për vdekje para ndeshjes në Evropa Ligë kundër Manchester United.

37-vjeçari Ljubomir Markovic është vrarë në kryeqytetin serb derisa ishte duke qëndruar në rrugë dhe i gjithë incidenti është kapur nga kamerat, transmeton portali arbresh.info.

Në disa pamje të publikuara nga The Mirror, Markovic – i cili thuhet se ishte lider i grupit ‘Alcatraz’ të huliganëve Partizan, dhe një grup i shokëve të tij shihen duke qëndruar para një lokali të vogël afër stadiumit kur një person i me fytyrë të mbuluar me kapelë vrapon para tyre.

Banditi nxjerrë pistoletën dhe hap zjarrin ndaj Markovic, i cili nis të largohet nga vrap.

Banditi vrapon pas tij dhe huligani i Partizanit shihet duke rënë më pas në tokë.

Mediat lokale raportojnë se gjashtë plumba janë shkrepur dhe plumbi i fundit ishte në kokën e Markovic që edhe e vrau atë.

Raporti shton gjithashtu se vrasësi është larguar nga skena me BMW X5 me targa nga qyteti siberian i Sabacit.

Markovic ka lënë prapa gruan e tij dhe dy vajza. Policia është duke hetuar rastin për të gjetur motivet e krimit.

Sulmi vjen para ndeshjes së Partizan Belgrades kundër Manchester United në Old Trafford të enjten./arbresh.info/