RC Lens ka refuzuar zyrtarisht kërkesën e Paris Saint-Germain për shtyrjen e ndeshjes së planifikuar më 11 prill, duke shtuar tensionet në futbollin francez.

Sipas raportimeve nga RMC Sport, PSG kishte kërkuar që kjo përballje të shtyhej për shkak të kalendarit të ngjeshur, pasi ndeshja bie mes dy sfidave të rëndësishme kundër Liverpool FC në garat evropiane.

Megjithatë, Lens nuk ka pranuar këtë kërkesë, duke e konsideruar atë të pakuptimtë, sidomos duke marrë parasysh faktin që aktualisht ndodhet vetëm një pikë prapa PSG-së në tabelë.

Për klubin nga veriu i Francës, kjo ndeshje është jetike në luftën për kreun dhe nuk ka arsye për ndryshim të orarit.

Ky vendim pritet të ndikojë drejtpërdrejt në përgatitjet e PSG-së, e cila tashmë do të përballet me një kalendar tejet të ngjeshur në një fazë vendimtare të sezonit.

Përballja mes Lens dhe PSG-së pritet me interes të madh, pasi mund të ketë ndikim të drejtpërdrejtë në garën për titull në Ligue 1./Arbresh.info