Juventusi ka konfirmuar se Cristiano Ronaldo nuk do të jetë pjesë e skuadrës për ndeshjen në Villar Perosa të mërkurën.

“Zonja e Vjetër” është duke bërë përgatitjet e fundit të tyre para fillimit të edicionit të ri në Serie A, të cilin ata e fillojnë kundër Parmas më 24 gusht, transmeton portali arbresh.info.

Skuadra e Maurizio Sarrit nuk ka më miqësore, por skuadra do të marrë pjesë në një ndeshje praktike në kampin e tyre tradicional në Villar Perosa, afër Torinos.

Por, një lojtar që nuk do të jetë i gatshëm për këtë ndeshje është Ronaldo, i cili do të stërvitet me skuadrën por nuk luan për shkak të një tendosje të lehtë në pulpin e këmbës së majtë.

Gjendja e Ronaldos është duke u monitoruar nga afër gjatë ndeshje parasezonale dhe Sarri ka zgjedhur për të mos rrezikuar me 34-vjeçarin./arbresh.info/