Legjenda Oliver Kahn tregon se cili portier është më i mirë se Neuer

13:46 | 21 Dhjetor 2018
A. B.

Portieri i Liverpoolit, Alisson Becker, është portier më i mirë se ylli i Bayern Munich, Manuel Neuer.

Këtë e ka thënë ish portier legjendar i Bayern Munich dhe Kombëtares së Gjermanisë, Oliver Kahn.

Liverpool afatin e fundit kalimtar theu rekordet në tregun e transferimeve, duke e transferuar për 62.5 milionë euro Alisson nga skuadra e Romës.

Paraqitjet e portierit brazilian kanë kontribuar në sukseset e Liverpool këtë sezon, që kryeson në Premierligë pas 17 xhirove.

“Për momentin është Alisson. Ai tregoi në Kupën e Botës që është një portier i klasit botëror”, është përgjigjur Kahn në pyetjen se kush është më i mirë mes Alisson dhe Neuer, përcjell ‘lajmi.net’.

“Neuer nuk kishte paraqitje të mira pas kthimit nga lëndimi. Mendoj se dy gjëra kanë thyer ritmin e tij, dalja e ashpër nga Kupa e Botës dhe lëndimi”.