Ad Banner
Ad Banner
Ad Banner
Ad Banner

Leao për titullin kampion: “Po, besojmë, kampionati është shumë i gjatë”

23:04 | 4 Dhjetor 2023
D.H

Rafael Leao është një nga mungesat kryesore të Milanit, edhe pse jo i vetmi. “Ylli” portugez u mungon kuqezinjve prej 11 nëntorit, kur pësoi një tërheqje muskulore në transfertën me Leccen.

Stefano Pioli shpreson ta ketë të gatshëm për duelin e fundjavës: transfertën e vështirë në Bergamo përballë Atalantës (9 dhjetor), por Leao nuk kërkon të nxitohet.

“Ndihem mirë. Nuk është një dëmtim serioz, por nuk duhet të rrezikoj. Po punoj bashkë me mjekët për të shmangur rrezikun, pasi kampionati është i gjatë.

Unë ndihem mirë, nuk ndjej dhimbje. Po përpiqem të rikthehem në formën time 100% për të ndihmuar shokët e skuadrës. Shpresoj të rikthehem sa më shpejt.

Për momentin ka shumë presion, por unë e them gjithmonë që presioni është pozitiv. Ky Milan është shumë i fortë. Unë gjithmonë tentoj të krijoj një atmosferë të mirë në skuadër, si edhe t’i ndihmoj shokët. Sidomos të rinjtë.

Titulli? Po, besojmë. Kampionati është shumë i gjatë”, u shpreh 24-vjeçari.

Leao ka shënuar 4 gola dhe ka dhuruar 4 asisteve në Serie A dhe Champions League këtë sezon./ss

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm