Drita ka arritur të mposht Breidablikun dje në Podujevë me rezultat minimal 1-0 me golin e Kastriot Selmanit.

Gjilanasit kanë fituar edhe ndeshjen e parë në Islandë me rezultat 2-1 dhe kështu kanë siguruar kualifikimin në rrethin e tretë, shkruan Arbresh.info.

Në rrethin tjetër të garave Drita do të përballet me Auda nga Letonia.

Auda në rrethin e dytë të Conference League e ka mposhtur skuadrën e Cliftonville nga Iralanda e Veriut me rezultat të përgjithshëm 4-1 nga dy ndeshjet e luajtura.

Në ndeshjen e parë letonezët triumfuan 2-1 kurse në ndeshjen e kthimit 2-0.

Auda merr pjesë në ligën e parë të Letonisë e cila quhet ‘Virsliga’ dhe aktualisht ndodhen në pozitën e pestë me 31 pikë.

Skuadra ndodhet në një seri të mirë prej shtatë fitore radhazi në të gjitha garat.

Ndeshja e parë mes Dritës dhe Audas luhet me 8 gushtë në Letoni kurse pas një jave luhet ndeshja e kthimit në Kosovë.

Nëse skuadra e drejtuar nga Zekerija Ramadani kalon këtë kundërshtarë arrin në Play-off të Conference League teksa për këtë rreth kundërshtarin e mëson me 5 gusht, pas tërheqjes së shortit./Arbresh.info/