Edon Zhegrova, Florent Muslija dhe Aro Muriç u përjashtuan nga grumbullimi i kombëtares sé Kosovës në shtator për thyerje të rregullave që i kishte përcaktuar FFK-ja dhe selektori, Franco Foda.

Ndërkohë në media u aludua se ka gisht edhe i pari i FFK-së, Agim Ademi lidhur me këtë ngjarje, madje raportohej se edhe i pati kërcënuar futbollistët, shkruan Arbresh.info.

Në një intervistë për RTK-në, kreu i FFK-së ka mohuar kategorisht kërcënimet ndaj treshesh se përjashtuar.

“Kërcënimi i raportuar ndaj lojtarëve? Po jam takuar dhe ata nuk janë të mitur, mundën me fol vetë. Kanë qenë trajnerët dhe stafi aty, normalisht nuk i ka ardhur mirë askush sepse s’është çmendur t’i largojë lojtarët ndoshta më të rëndësishmit. Kur trajneri bën kërkesë, atëherë e përkrahim. Ka qenë vendim i përbashkët. Trajneri e ka bërë kërkesën, ne e kemi mbështetur”, ka pohuar ai.

Ademi ka komentuar edhe deklaratën e Edon Zhegrovës, i cili kishte deklaruar se ishte përjashtuar nga FFK-ja dhe jo nga trajneri Foda.

“Edoni në konferencë tha se FFK-ja e përjashtoi dhe jo trajneri? Kemi qenë aty bashkërisht. Ka qenë propozim i trajnerit dhe vendim i përbashkët pastaj. Nuk besoj që nuk ka njeri që e do Zhegrovën te Federata. Nëse dikush s’e kishte dashur, nëse s’e kishte dashur Agim Ademi atëherë s’do të kishte qenë në kombëtare”.