Krerët e FFK-së kujtojnë Vokrrin, kontributi i tij s’do të harrohet

11:55 | 9 Qershor 2021

Krerët e Federatës së Futbollit të Kosovës dhe përfaqësuesi i grupit të tifozët “Dardanët”, kanë bërë homazhe tek varri i legjendës së futbollit të Kosovës, Fadil Vokrri, me rastin e tre vjetorin të vdekjes së tij.
Kreu i FFK-së, Agim Ademi tha se do ta kujtojnë gjithmonë Vokrrin për kontributin e dhënë për futbollin e Kosovës.

“Në tre vjetorin e ndarjes nga jeta të Legjendës së futbollit kosovar Fadil Vokrri, sot në orën 09:00, presidenti Agim Ademi bashkë me delegacionin e FFK-së, me prijësin e tifozëve Dardanët dhe me veteranët e futbollit, bën homazhe dhe vendosën buqeta lulesh tek varri i të ndjerit Vokrri.
Presidenti Ademi bashkë me përfaqësuesit e Federatës do ta kujtojnë gjithmonë ish-kryetarin e FFK-së Fadil Vokrrin për kontributin e tij dhënë futbollit kosovar për shumë vjet, e mbi të gjitha për karakterin e tij të fortë e njerëzor”, thuhet në njoftimin e FFK-së./arbresh.info/

Shpërndaje në rrjete sociale

Lajmet më të lexuara