Distria Krasniqi ka humbur finalen e Lojërave Olimpike “Paris 2024” në kategorinë në 52 kg.

‘Disi’ në finale u mposht garuesja nga Uzbekistani Diyora Keldiyrova, shkruan Arbresh.info.

Xhudistja kosovare nuk ka arritur të mbrojë medaljen olimpike që e kishte fituar në Olimpiadën e Tokyos në vitin 2021.

Megjithatë ajo u bë kosovarja e parë që arrin të fitojë dy medalje olimpike në histori të shtetit tonë.

Pas mecit ajo u prononcua për media ku theksoi problemin e saj në finale.

“Jam shumë e lumtur për këtë të arritur, nuk ka rendësi ngjyra medaljes. Medaljen ia dedikoj trajnerit, klubit, familjes e krejt Kosovës”,”, deklaroi Krasniqi në një intervistë për RTK-në pas përballjes,

“Mendoj që kam qenë pak si shumë e fokusuar në gjysmëfinale, finalja më është dukur që ka ardh shpejt dhe e kam lënë si anash, ndoshta kjo ka qenë arsyeja pse kam qenë si e përgjumur. Megjithatë jam e lumtur për rezultatin”, tha ajo.

“Në çdo garë kam vetëbesim, e di se në Lojëra Olimpike garuesit kanë shumë stres, por tek unë jo, pasi jam shumë e përgatitur dhe e kam ditur se si do të shkojnë gjërat deri në finale”, shtoi më tej xhudistja nga Peja.

Pas këtij suksesi të Distrias, Kosova ka arritur në kuotën e katër medaljeve olimpike, ku të tri nga nga këto janë të arta dhe një e argjend./Arbresh.info/