Trajneri i Liverpoolit, Jurgen Klopp, ka paralajmëruar rrotacione, por jo edhe shumë – për faktin se siç ka thënë ai: “mund të keqkuptohet”.

Trajneri gjerman ka paralajmëruar ndryshime në formacion kundër Portos, që do ta zhvillojnë të mërkurën.

Por, Jurgen Klopp ka paralajmëruar se mund të mos pushojë shumë lojtarë pavarësisht rezultatit mbresëlënës nga ndeshja e parë, për faktin se gjithçka mund të keqkuptohet dhe se ai nuk dëshiron të nënçmojë kundërshtarin.

“Mund të bëjmë (rrotacione), por ende nuk jam i sigurt sepse gjithçka mund të keqkuptohet”, tha Klopp para ndeshjes me Porton.

“Dua me të vërtet të tregojë respekt, dua të tregoj respekt për kundërshtarin, për turneun dhe dua formacionin më të mirë për ta fituar ndeshjen sepse kjo është arsyeja pse jemi këtu”, shtoi ai.

“Jemi të pamposhtur në Champions League këtë sezon dhe dua të mbetemi të pamposhtur sa më gjatë të jetë e mundur. Kjo do të na ndihmoj shumë”, theksoi mes tjerash Klopp. /arbresh.info/