Ish-kryetari i Federatës së Basketbollit të Kosovës, Erolld Belegu, ka bërë të ditur se FIBA dhe FBK do të marrin vendimin për rikthimin e Klubit Basketbolistik PEJA dhe atë direkt në Superligë.

“ Largimi i KB PEJA nga Superliga vitin e kaluar ka qenë humbje e madhe për të gjithë dhe mu për këtë arsye ky rikthim do të jetë tejet i rëndësishëm jo vetëm për sportin pejan, por në përgjithësi për sportin kosovar. Ftoj qytetarët e Pejës e sidomos bizneset të solidarizohen dhe përkrahin krenarinë e qytetit të tyre që t’i kthehet shkëlqimi që e ka pasë dikur, duke e shfrytëzuar ligjin e sponzorizimit të aprovuar kohë më parë nga Qeveria e Kosovës”, ka shkruar Belegu në profilin e tij në Facebook.

Peja vjet nuk morri pjesë në Superligën e Kosovës edicionin e kaluar. Edhe para atij sezoni njëri ndër klubet më të mëdha sportive në Kosovë nuk arriti të prezantohet seriozisht në gara për arsye të problemeve të mëdha financiare.

Kthimi i këtij klubi në Superligë, përveç se do të rriste interesimin e sportdashësve në vend, do të kthente edhe derbin e vjetër, Peja kundër Sigal Prishtinës, që është derbi më i madh në vendin tonë.

KB Peja është klubi i dytë më i trofeshëm në historinë e basketbollit në Kosovë.