Katër persona mbetën të lënduar si pasojë e gjuajtjeve me armë gjatë paradës festive në Toronto Raptors, për titullin e kampionit të NBA. Lajmin e ka konfirmuar policia kanadeze.

Mijëra tifozë të basketbollit ishin grumbulluar në qendrën e qytetit në sheshin “Nathan Phillips” kur u dëgjuan gjuajtjet me armë, duke bërë që të gjithë të vraponin për të kërkuar strehë, transmeton Gazeta Express.

Festa u ndërpre vetëm për një kohë të shkurtë, pasi që zyrtarët policorë e qetësuan turmën e njerëzve.

Nathan Phillips Square Shooting #Toronto #RaptorsParade #WeTheNorth pic.twitter.com/wTBN9iMJoK

— Suraj Hansal (@SurajHansal) June 18, 2019

Tre persona janë arrestuar, ndërsa autoritetet përgjegjëse i kanë kërkuar publikut të dërgojnë sa më shumë pamje për ta ndihmuar procesin hetimor.

Policia shkroi në Twitter se asnjëra ndër viktimat nuk kishte pësuar lëndime që e rrezikonin jetën e personave, edhe pse dy persona morën plagë më serioze.

Në mesin e personave që ishin grumbulluar për ta përcjellë nga afër paradën e skuadrës së Toronto Raptors ishte e kryeministri kanadez, Justin Trudeau, i cili u uroi shërim të shpejtë të gjithë të lënduarve.

Back inside looking over footage from the roof, this was shortly before @SteveRussell and I started to see swarms of people running: pic.twitter.com/0LWaulM8hy

— Jennifer Pagliaro (@jpags) June 17, 2019