Kampioni i Botës në boks, Haxhi Krasniqi, ka sjellur në vendlindje brezat e fituar të shtunën në versionin WBA/IBO.

Krasniqi nëpërmjet një postimi në rrjetin social Facebook ka ftuar të gjithë gazetarët në konferencë për nesër

Mes tjerash Krasniqi thotë se do u jap të gjitha pyetjeve përgjigje.

Postimi i plotë i Krasniqit:

TAKIM ME MEDIA NË PRISHTINË

Rrugëtimi im në sport nuk do ta kishte madhështinë që e ka pa juve. Gazetarë të dashur, faleminderit për gjithçka që keni bërë deri më sot për punën time.

Rrugët tona nuk ndahen tani, madje besoj se do të punojmë fuqishëm në ngritjen e sportit e në krijimin e Majlindave, e Robinëve të ri.

Andaj ju ftoj të gjithëve që me datë 15.10. në ora 11:00 të mbajmë një konferencë për media në Swiss Diamond Prishtinë.

Le ti japim përgjigje të gjitha pyetjeve, le ta sjellim titullin në Prishtinë e amanetin në vend.

Ju mirpresim të Enjtën me 15 Tetor në ora 11:00 në Swiss Diamond në Prishtinë.

/arbresh.info/