Memphis Depay pritet që karrierën ta vazhdojë në Serie A, me Juventusin që duket afër transferimit të tij.

Gazetari nga “Goal Italia”, Romeo Agresti, që është edhe i afërt me klubin italian, ka raportuar se Juventusi po avancon në transferimin e holandezit.

Sipas gazetarit italian, “Zonja e Vjetër” po ecën drejt kësaj lëvizje pasi në orët e fundit ka pasur bisedime pozitive.

Depay mund t’i bashkohet klubit nga Torino si lojtar i lirë, pasi përfaqësuesit e tij janë në bisedime me Barcelonën për të arritur një marrëveshje për shkëputje të kontratës.

La #Juventus avanza per #Depay: contatti positivi anche nelle ultime ore // Juventus are really pushing for Depay, there were positive contacts in the last hours ?⚪️⚫️ @Goalitalia @Goal

— Romeo Agresti (@romeoagresti) August 9, 2022

Edhe 28-vjeçari thuhet se e pranon largimin nga “Camp Nou” vetëm për ndonjë tjetër klub të madh evropian.

Kontrata aktuale Memphis Depayt me Barcelonën skadon më 30 qershor 2023.