Juventusi dhe Lazio interesohen për transferimin e Romagnolit

Alessio Romagnoli of AC Milan during the Uefa Champions League group B football match between AC Milan and Atletico Madrid at San Siro stadium in Milano Italy, September 28th, 2021. Photo Andrea Staccioli / Insidefoto andreaxstaccioli

11:36 | 13 Shkurt 2022
Lorik Gerbeshi

Mbrojtësi i Milanit, Alessio Romagnoli ka përfunduar në radarin e klubeve tjera nga Serie A, Juventusit dhe Lazio, të cilët duan ta transferojnë në verë.

Sipas mediumit Calciomercato, kapiteni i Milanit është subjekt i interesimit të dy klubeve tjera italiane, Juventusit dhe Lazios.

Të dy klubet mund të përpiqen të nënshkruajnë 27-vjeçarin si lojtar i lirë kur kontrata e tij të skadojë në verë.

Megjithatë, Juve mund të ketë avantazhin, me agjentin e Romagnolit, Mino Raiola, që preferon që klienti i tij të përfundojë në Allianz Stadium.

Zonja e Vjetër e sheh Romagnolin si pasues të kapitenit Giorgio Chiellini, i cili mund të pensionohet ose largohet në fund të sezonin.

Në anën tjetër, Maurizio Sarri e do italianin te Lazio pasi synon ta përforcoj mbrojtjen për sezonin e ri, me këtë repart që ka çaluar gjatë këtij sezoni.