Juventusi është duke u përpjekur për rikthimin e Alvaro Moratas në Torino, në formë huazimi me obligim blerjeje.

Sulmuesi spanjoll i ka kaluar dy sezone te Bianconerët para se të kthehej te Real Madridi në vitin 2016, pasi që Los Blancos e aktivizuan klauzolën për riblerje.

Në verën e kaluar, klubi spanjoll e shiti te Chelsea, mirëpo nuk ka kaluar sezon të mirë në Ligën Premier.

Sipas Tuttosport, Blutë janë duke tentuar ta transferojnë Edinson Cavanin nga Paris Saint-Germaini, pasi që klubi francez duhet të shesë për shkak të rregullave financiare.

Si rezultat i kësaj, Giuseppe Marotta është duke u angazhuar që ta kthejë 25-vjeçarin në Itali, me një formulë ta ngjashme me atë të transferimit të Douglas Costas.

Zonja e Vjetër ofron 15 milionë euro për huazimin e Moratas për një sezon, me obligim blerjeje për 45 milionë euro në vitin 2019.

Në garë për shërbimet e tij janë edhe PSG dhe Bayern Munichu, mirëpo sulmuesi pëlqen më shumë të kthehet te Juve.