Juve i interesuar në transferimin e yllit të Barçës

19:07 | 1 Nëntor 2017
Arbresh Info

Juventusi raportohet se është i interesuar për të nënshkruar me mesfushorin e Barcelonës, Rafinhan, gjatë merkatos së transferimeve në janar.

24-vjeçari gjeti rrjetën shtatë herë brenda 28 paraqitjeve te gjiganti katalunas sezonin e kaluar, por mungoi në fund të sezonit për shkak të lëndimit në gju dhe ende nuk ka qenë pjesë e skuadrës së Ernesto Valverdes këtë sezon, transmeton portali arbresh.info.

Rafinha ka shënuar shtatë herë brenda 28 paraqitjeve sezonin e kaluar te Barcelona

Muajin e kaluar, babai i Rafinhas, Mazinho, pretendoi që mesfushori nuk ishte i interesuar në largimin nga Barcelona.

Megjithatë, bazuar në ‘Sportmediset’, Juventusi beson në sigurimin e marrëveshjes me mesfushorin kur të hapet merkato dimërore e transferimeve në fillim të vitit 2018.

Arsenali dhe Chelsea në të kaluarën kanë shfaqur interesim në transferimin e tij./arbresh.info/