Joan Laporta foli me mediat pas përfundimit të mbledhjes së Bordit të Barcelonës këtë të hënë, ku dha dorëheqjen për t’u kandiduar në zgjedhjet e klubit, të cilat do të mbahen më 15 mars.

Avokati katalanas bëri një bilanc të mandatit të tij dhe shprehu shpresën për të drejtuar sërish klubin për pesë vitet e ardhshme.

“Po largohem me dëshirë për t’ju parë sërish,” tha kandidati për president të Barças, duke shtuar se ndihet i kënaqur me perceptimin e tifozëve për punën e tij.

“Po e lë klubin në një gjendje shumë më të mirë se pesë vjet më parë. Kemi marrë edhe vendime të vështira, por kur i shohim rezultatet e arritura, ndihemi krenarë.”

Si rezultat i punës së tij që nga viti 2021, Laporta shpreson të rizgjidhet president në këto zgjedhje të reja më 15 mars.

“Lojtarët janë arkitektët e sukseseve të pesë viteve të fundit, kemi fituar shumë tituj… disa na kanë shpëtuar, por për to do të kujdesemi vitet e ardhshme nëse na votojnë anëtarët,” shtoi ai, duke iu referuar edhe Ligës së Kampionëve.

Ai shprehu besimin se anëtarët do të vlerësojnë rikonstruksionin e stadiumit dhe të gjitha veprimet e Bordit që ai ka drejtuar deri më sot, duke shpresuar të udhëheqë sërish Barcelonën për pesë vitet e ardhshme.