Presidenti i Barcelonës, Joan Laporta ka dhënë mendimet e tij pas eliminimit të hershëm të Barcelonës nga Champions League.

Barça kishte nevojë të mposhtte Bayern Munchen në udhëtim të mërkurën në mbrëmje, por për herë të dytë këtë sezon, ata u mposhtën me rezultat 3-0.

Ishte një paraqitje jo e mirë nga të përzgjedhurit e Xavi Hernandez, të cilët tani largohen nga Champions League në fazën e grupeve për herë të parë në 21 vjet.

Ata tani bien në Europa League dhe është një eliminim i kushtueshëm për Barçën, e cila për synim kishte të arrinte në çerekfinale të Ligës së Kampionëve këtë sezon.

Pas ndeshjes, presidenti i Barcelonës, Laporta foli për rezultatin zhgënjyes, duke thënë për “SPORT”: “Jemi të trishtuar për rezultatin, por duhet të vazhdojmë përpara”.

“Është një moment për të punuar dhe për t’u përpjekur për të rikthyer situatën”.

“Ne nuk kemi qenë në gjendje të zbresim në dhomat e zhveshjes për të mbështetur lojtarët dhe të flasim në aeroplan me ekipin teknik”.

“Ne kemi bërë atë që kemi mundur dhe tani duhet të përpiqemi ta kapërcejmë këtë situatë”.

Barça do të zbulojë fatin e saj në Europa League të hënën kur të hidhet shorti për raundin e 32-të.

Deri atëherë, ata do të detyrohen të përballen me zhgënjimin e tyre të fundit, megjithëse do të jenë në gjendje të kthehen në rrugën e duhur këtë fundjavë kur të përballen me Osasunën në LaLiga./Arbresh.info