Ka më shumë se dy vite që në Gjermani ka plasur debati se kush duhet të jetë portieri numër një i Kombëtares së Gjermanisë.

Manuel Neuer aktualisht e mbanë atë pozitë, por ka shumë tifozë në Gjermani që mendojnë se Marc-Andre Ter Stegen e meriton atë.

E mbrëmë në ndeshjen mes Barcelonës dhe Bayern Munich dy portierët ishin përballë, ku fitore të thellë shënoi klubi gjerman dhe fitues nga kjo sfidë doli Neuer.

Kapiteni i Kombëtares së Gjermanisë është ndier keq pas ndeshjes për bashkëkombësin e tij.

Neuer pas takimit ka deklaruar se t’i pranosh tetë gola për një portier është shumë e rëndë.

“Ndjehem keq për Marc. E di që t’i pranosh tetë gola për një portier nuk është e lehtë”.

“Gjithsesi ne po luanim në Ligën e Kampionëve dhe kjo nuk ka lidhje me Kombëtaren”, deklaroi Neuer.

Neuer dhe Ter Stegen janë rival të mëdhenj dhe ata shpesh herë kohëve të fundit kanë thumbuar njëri-tjetrin me deklaratat e tyre. /Telegrafi/