Arsenal mund të detyrohet t’i ndajë rrugët me sulmuesin, Pierre-Emerick Aubameyang në verën e ardhshme.

Kontrata e Aubameyang me “Topçinjtë” skadon në qershor të vitit 2021 dhe thuhet se ka refuzuar rinovimin e kontratës, transmeton portali arbresh.info.

30-vjeçari që një kohë të gjatë është i lidhur me kalimin te Barcelona, por mund të transferohet te rivali, Real Madrid për shkak të premtimit që i ka bërë gjyshit të tij më herët.

Më herët në karrierën e tij, Aubameyang ka thënë se i ka premtuar gjyshit se një ditë do luan për “Mbretërit”.

“Para se të vdiste para dy vite, i premtova se një ditë do të luaja për Real Madridin. Gjyshi im ishte nga Avila, jo larg Madridit”.

“Është çfarë i kam thënë. E di që nuk është lehtë, por është gjëja që me mbetet në mendje”, deklaroi ai.

Mirëpo ja si do duket formacioni i Realit me sulmuesin me prejardhje nga Gaboni në skuadër.

Real Madrid: Courtois, Carvajal, Varane, Ramos, Mendy, Casemiro, Modric, Kroos, Isco, Benzema, Aubameyang./arbresh.info.