Ylli i Real Madridit, Isco ka shprehur shqetësime te presidenti Florentino Perez pas disfatës në Superkupë ndaj Atletico Madridit.

‘Los Blancos’ kaluan dy herë në epërsi ndaj rivalëve të tyre lokal, por përfunduan duke humbur ndeshjen në Tallinn të Estonisë me rezultat 4 me 2, transmeton portali arbresh.info.

Karim Benzema dhe Sergio Ramos realizuan golat, por Isco nuk ishte i kënaqur me njërin nga bashkëlojtarët e tij në veçanti.

Mesfushori zgjodhi sulmuesin Gareth Bale si një yll nga i cili priste më shumë gjatë ndeshjes kundër rivalëve të tyre.

Bale luajti për plotë 120 minuta dhe asistoi në golin e Benzemas, por nuk gjeti portën vet.

Trajneri i ri i Real Madridit, Julen Lopetegui dëshiron që uellsiani të zëvendësoj Cristiano Ronaldon që u largua për transferim te Juventusi këtë verë për 100 milionë euro.

Bazuar në ‘Don Balon’, shumë yje të mëdhenj te Real Madridi janë të shqetësuar me qëndrimin e Bales deri tani për të qenë fytyra e re e klubit./arbresh.info/