Interi ka arritur që brenda 11 minutave të parë ta fitojë pëballjen kundër Milanit në gjysmëfinale të Champions League.

Ndeshja e zhvilluar në “San Siro”, përfundoi me rezultat 0:2.

Edin Dzeko befasoi “kuqezinjtë” në minutën e tetë për të shënuar golin e tij të parë në “Derby della Madonnina”.

“Nerazzurrët” dyfishuan epërsinë e tyre kur mbrojtja e mikpritësve i lejoi Henrikh Mkhitaryan lirinë për të gjuajtur me një goditje të ulët vetëm tre minuta më vonë.

Çalhanoglu thuajse thumboi portën e Milanit për herë të tretë me një përpjekje në distancë, e cila u mbrojt nga shtylla e majtë e Maignan.

Inter ishin të pafat, pasi gjyqtari i dha penallti, por pas rishikimit me VAR e tërhoqi vendimin.

Milani e nisi pjesën e dytë më mirë, pasi Brahim Diaz pati një mundësi nga largësia, por nuk gjeti kuadratin e portës.

Maignan shpëtoi “Rossonerët”, me një super mbrojtje ndaj goditjes së Dzekos.

Sandro Tonali pati mundësin më të mirë për Milanin, por gjuajtja e tij u ndal nga shtylla./Arbresh.info/